كوكب الهري والعشوائية

ساعات كتييير بدخل الفيس بوك بهدف اني هشوف حاجة ..
بعدين اﻻقي روحي بقى لي فترة على الفيس بوك وبعمل حاجات تانية وبشتبك -حتى لو داخليا -في قصص وتوهت تماما عن الهدف اللي كنت دخلت الفيس علشانه !
ده ادى طبعا لضياع وقت طويل كان ممكن استغﻻله احسن 
لكن مع ذلك بالطريقة العشوائية دي اترميت ادامي قصص كتييبر وسكك كتير وفرص برده
مسابقات وقراءات واصدقاء 

عن قوة بنت

من فترة اتنشر على اﻻنترنت قصة الفتاة اﻻمريكية اللي خطبها هجرها قبل الفرح بأسبوع ﻻنه حس انه مبقاش بيحبها!

ومع ذلك قررت انها تعمل الفرح في معاده واتصورت و لعبت هي واصحابها واستمتعت واتصورت هي واصحابها علشان يوثقوا اللحظة 

البنت اللي بدل ما ما تحزن وتعيط في سريرها وتنعزل عن العالم قررت تحتفل
اها تحتفل باللي قرروا يبقوا ، احتفاء بكل المحبين الصادقين مش اللي قرروا يتخلوا وسط الطريق!
البنت دي وجهت رسالة قوية لكل بنات العالم على اختﻻف ثقافتهم وألوانهم وأشكالهم
باﻻحرى هي وجهت رسالة قوية لكل الموجوعين والمهجورين في العالم
"متزعلوش"
"متزعلوش لو الحب هجركم أنتوا الحب والفرحة جواكم يبقى ازاي تستنوها!"
"بدل ما تزعلوا من إللي اتخلى ..احتفلوا بإللي قرر يبقى جنبنا ♥♥♥"