المهم اللي عرفته ساعتها وكنت بردده جوايا الثورة فعل ومش في دائرة واحدة وبس ، علشان تكون ثوري بجد لازم مفهوم الثورة يبقى جواك وويبقى فعل في كل الدوائر مينفعش تثور على نظام حاكم وسايب حاجات كتير حاكماك حتى لو كانت بالية وقديمة ومتخلفة ،ماينعش تثور على ظلم وانت ظالم ، ودي حاجات كانت بتغيظني في ناس كتير بيشتغلوا في العمل الثوري ان تصرفاتهم لاتتفق مع كتير من اللي بينادوا بيه!!!!
المهم مع اقتراب 30 يونيه الخوف والقلق بيزيد وكل ده معروف وطبيعي لكن في بالي بتتردد فكرة تانية ، بتتردد في ذهني كلمات "فرج فودة"تبدأ الدائرة المفرغة في دورتها المفزعة.. ففي غياب المعارضة المدنية، سوف يؤدي الحكم العسكري إلى السلطة الدينية، ولن ينتزع السلطة الدينية من مواقعها إلا الانقلاب العسكري، الذي يُسلم الأمور بدوره، بعد زمن يطول أو يقصر، إلى سلة دينية جديدة. وهكذا وأحيانا يختصر البعض الطريق فيضعون العمامة فوق الزي العسكري، كما حدث ويحدث في السودان. -" هل العسكر هيرجع تاني ؟ الله اعلم ، المشكلة الاكبر هي ان الشعب المصري جواه احساس وانطباعه حول نفسه انه شعب ماينعش معاه غير العسكر ما ينفعش معانا لا حرية ولا ديمقراطية وان العسكر احسن من الاخوان على الاقل مش هيستخدموا الدين ولا هيفرقونا ،
يعني هنرجع لحكم العسكر تاني ؟؟؟ الله اعلم
والايام كفيلة انها تجاوبنا على كل تساؤلاتنا
ليست هناك تعليقات:
إرسال تعليق