اذن الحجة دي باظت وأمي أبطلت عليا كل حججي وقال"ريحي روحك مافيش حد هينزل النهاردة":(
اقتب افكار من الأفلم العربي القديمة - وهي في وجهة نظري على الرغم من رومنسيتها الا انها السبب في افكار كتير ساذجة عندي وعند كتير من أبناء جيلي - ففكرت مثلا أحط لها حبوب منومة في الشاي وانزل وارجع وهي نايمة ...لكن دلوقتي مفيش حبوب منومة بتتباع من غير روشتة
طب خلينا نعمل زي الكارتون انط من شباك الحمام وانزل في المنور ...احم احم ..انا مش رياضية للدرجة دي واحتمال اقع على ضهري وهلاقيها اول واحدة عند باب المنور !!!
خفف عني صديقي اسم وقالي"الثورة فرض كفايهالقادر يغنى عن الغير قادر وانتى معاكى عزرك" وان في شباب كتير مخرجوش لنفس السبب
ولكن لماذا تصر الأمهات المصريات على اعتقال أولادهم وتفويت فرص مهمة عليهم بحجة "الخوف عليهم " وماذا ينتج هذا الخوف سوى اجيال مشوهة وكاذبة ومخادعة ، كفاية خوف بقى ..ابوس ايديكم "اطلقوا سراح أولادكم ..انتوا بطريقتكم دي هتبقوا اخطر عليهم من المخاطر اللي ممكن يقابلوها بره"
ايوة انا عايزة اعرف ليه القهر ده لييييية
ردحذفكان نفسي بجد أنا كمان أنزل إمبارح لكن إحنا معاهم بقلبنا
وعاجبني تشبيه الثورة بالفرض
ربنا يقدر اللي فيه الخير :)
سعيدة إني وصلت لحولياتك و إن شاء الله اتابعك دايماً
مش عارفة والله ليه قهر وخوف وقلق عمل زي الدبة اللي قتلت صاحبها من خوفها عليه !!
ردحذفانا اسعد بمرورك وتعليقك شكرا ليكي